Нууц мэдээллийн уурхай

Казактанд орчин үеийн романтик нэгэн Ромео тодорчээ. 17-той найз охиндоо ухаангүй хайртай гэх 20 настай залуу Аян  Жадемов үндэсний хэмжээний од болоод байна. Түүний үйдэл, эр зоригийг бүсгүйчүүд  ихээхэн үнэлж бахархаж байгаа нь аргагүй юм. Залуугийн найз охин нь шалгалтын өмнө сэтгэлзүйн гүн хямралд орсон гэнэ. Угаасаа сурлагаар гавихгүйн дээр шалгалтаас айх гэдэг өвчинд нэрвэгддэг "хуучтай" байжээ. Залуу эр туслах гэж байдгаараа оролдсон ч шалгалтын өмнө бүрэн арчаагүй байдалд орсон аж. Харин Аян найз охиныхоо төлөө хамгийн эрсдэлтэй  аргыг зоригтой сонгон өмнөөс нь шалгалт өгөхөөр шийджээ. Тэрээр сургуульдаа өмсдөг дүрэмт хувцсыг нь өмсөж хиймэл үс зүүн нүүр будалт хийлгээд шалгалт өгөхөөр очсон байна.

Аян байдгаараа хичээсэн ч багш нарын өмнө очоод л анхааралд нь өртжээ.

-Хэдийгээр зөөлөн шингэн дуугаар ярьж байсан ч өмнө маань эрэгтэй хүн зогсож байгаа нь тодорхой болсон. Гэхдээ бид эцсийн мөч хүртэл үүнд итгээгүй. Эхлээд өмнөөс нь шалгалт өгөхөөр өөр нэг эмэгтэй ирж хэмээн таамаглаж байсан-

Шалгалтын комиссынхон эм хүний дүрд хувирагчийг барьж аваад цагдаа дууджээ. Цагдаад очоод бөөн инээдэм болсоны дараа захиргааны зөрчилд тооцон хоёр мянган доллартай тэнцэх хэмжээгээр торгоно гэжээ. Маргааш нь Аяны паян хэвлэл цахимаар цацагдаж тэрээр бүсгүйчүүдийн шүтээн болжээ. Бүр маш их алдартай болсон тул нэрээ нууцлахыг хүссэн нэгэн бизнесмэн эмэгтэй торгуулийн мөнгөний талыг нь төлж өгсөн гэнэ.

 

НУУЦ.мн