МАН-ын Удирдах зөвлөлөөс “хол зугтсан” хотын даргыг дуудуулжээ
Золигийн захирамж гаргаж зодоон мөргөлдөөн үүсгээд зугтаасан хотын дарга Су.Батболдыг намын Удирдах зөвлөлөөс ярьж бушуухан буцаж ирэхийг үүрэгджээ. Дараа нь намын дарга нь хүртэл залгаж дуудсан гэнэ. Баянзүрхэд гарсан будлиан ноцтой дүр дагавар дагуулахаар байгаа нь эрх баригчдыг айлгажээ. Дээр нь намын дээд удирдлагын түвшинд нэгдсэн байр суурьгүй байгаа нь нөлөөлсөн гэхэд болно. Ц.Нямдорж нарын гишүүд тус дүүрэгт АН ялсаныг хүлээн зөвшөөрөөд барахгүй ялалтыг нь хүчээр булаах гэсэн намын нөхдөө буруушаасаар байна. АН олдсон цөөн ялалтаа амиараа хамгаалах нь мэдээж. Олон нийт ч тэдний зүтгэлийг ойлгож хүлээн авна. Харин үнэмлэхүй ялалт байгуулсан атлаа хэт даварч хүч түрж байгаа МАН-ын үйлдлийг жигших нь ойлгомжтой. Хотын дарга намын нөхрөө дүүргийн Засаг даргаар батласан захирамж гаргаад л гадагшаа “зугтаасан” нь өөртөө итгэлгүй байгаагийн шинж юм. Хэрвээ зөв шийдвэр гаргасан гэж үзэж байсан бол үймээн болсон Баянзүрх дүүргийн ЗДТГ-ын байранд өөрийн биеэр очоод зохицуулах байлаа. Даан ч хотын даргад тийм зориг байсангүй.
НУУЦ.мн
