53 настай япон өвгөн цуглуулсан порно сэтгүүлүүддээ дарагдаж бурхан болжээ
Наран улсын хэвлэлийн эх сурвалжуудийг үндэслэн Daily Mail-д мэдээлснээр Дёдзи гэдэг япон өвгөн гал тогооны өрөөний номын тавиураас унасан маш их хэмжээний порно сэтгүүл, номнууддаа дарагдаж нас барсан байдалтай олджээ. Цагдаагийн шижээчид амиа алдаад 50-60 хоног болсон гэж тогтоожээ. Токиогийн захын хорооллын нэгэн байшингийн хоёр жижиг өрөөтэй байрыг түрээслэн амьдардаг байсан ганц бие өвгөний гэрээс нийтдээ зургаан тонн жин татах порно сэтгүүл, ном сонин, зурагт хуудас гарсаныг байрны эзэд шөнийн цагаар зөөж гаргасан гэнэ.
Гал тогооны өрөөнийх нь тавиурнаас нурж унан шалан дээр нь овоолоостой байсан олон тооны порно сэтгүүл номын доор амьгүй хэвтэх өвгөний цогцсыг байрны эзэн хатагтай олж өөрөө цочролд оржээ. Тэрээр өмнө нь сарынхаа төлбөрийг хугацаанд нь саадгүй төлдөг байсан настай түрээслэгч нь сүүлийн хоёр сарын төлбөрөө төлсөнгүйд уулзах гэж байранд нь ороод уул овоо шиг их порно ном сэтгүүл дунд орчихжээ. Порно сэтгүүлийн донтон өвгөн хоёр өрөөндөө төдийгүй гал тогоо, жорлонгийн өрөөндөө хүртэл таазанд нь тултал, хөл гишгэх зайгүй болтол нь дуртай ном сэтгүүлээ өрсөн байжээ. Нийтдээ зургаан тонн татах насанд хүрэгчдийн ном сэтгүүл, сонин гарсан нь өвгөний насан туршдаа цуглуулсан цуглуулга нь байсан аж. Өдгөө өвгөнийг жинхэнэ цуглуулагчийн үхлээр бурхан болсон хэмээн шуугиж байна.
NUUTS.mn
