Эдгэрэшгүй өвчтэй охины цагдааг цахилгаан бороохойгоор бороохойдох хүслийг нь цагдаа нар биелүүлжээ /бичлэг/
Нийтэлсэн: 2017-03-04 09:11:42
Цусны хорт хавдраар олон жил өвдсөн 16 настай Алисса Элкинсд эмч нар ердөө дөрөвхөн сарын хугацаа үлдсэнийг нуулгүй хэлжээ. Хөөрхий охин уйлж гутрахын оронд цаг алдалгүйгээр амьдралдаа хүсэж мөрөөдөж байсан бүхнээ амжуулж гүйцэлдүүлэхээр хүслийн жагсаалтыг гаргасан байна. Түүнд нь Нью-Йоркд очих, Диснейлэндээр зугаалах зэрэг энгийн зүйлсээс гадна цагдааг цахилгаан бороохойгоор бороохойдож үзэх гэсэн этгээд хүсэл ч бас байжээ. Үлдсэн дөрөвхөн сардаа амжуулах хүслийн жагсаалт нь цахимаар цацагдсаны дараагаар Огайо мужийн Ньюарк хотын цагдаагийн газраас холбогдож цагдаатай холбоотой хүслийг нь биелүүлж өгөхөд бэлэн байгаагаа мэдэгджээ. Бүр сайн дурын цагдаа хүртэл гарч ирсэн нь түрүүч Даг Блайн байжээ.
-Цахилгаан бороохойгоор бороохойдуулах нь яаж сайхан байх билээ. Гэхдээ тавхан секундын л ажил л даа...Гэхдээ ийм байдалд орсон нэг хүний хүсэл энэ бүхний дараа биелэгдэх юм бол би бэлэн байна-
Алисса Элкинс цагдаагийн газар очиж дүрэмт хувцсыг нь өмсөж байгаад түрүүчийг цахилгаан бороохойгоор бороохойдон нэгэн хүслээ гүйцэлдүүлжээ.
НУУЦ.мн
