Тооцоо хийхээс бултсан 120 үйлчлүүлэгч нэгхэн минутын дотор рестораноос зугтацгаажээ
Нийтэлсэн: 2017-03-03 13:10:29
BBC News –д мэдээлснээр Испаний баруун хойд нутгийн аялал жуулчлалын том хот Бембирийн El Carmen гэдэг зоогийн газар ганцхан минутын дотор хоёр мянган еврогийн алдагдалд оржээ. Тус хотод жуулчлалаар ирсэн гэх Румыный нэгэн гэр бүл хүүхдийнхээ Крестин баярыг тэмдэглэхээр 120 хүний захиалга өгч 900 еврогийн урьдчилгааа төлсөн гэнэ. Хүүхдийн баярт ирсэн зочид эхлээд бэлгээ өгцгөөсний дараа хоолоо идэж уух ажилд шамдангуй орж байгааг зоогийн газрынхан сэжиглээгүй гэнэ. Зочид зууш болон үндсэн хоолоо идээд энэ зуурт 30 гаруй лонх архи дарс ууж амжжээ. Харин десерт өгөх үед зочид бүгдээрээ гэнэтхэн босон зугтацгаасан гэнэ. Зоогийн газрын эзэн Антонио Родригес (Antonio Rodriguez) 30 жил ажиллахдаа үзээгүй юмаа тэр өдөр л үзсэн гэж ярьжээ.
-Бүх зүйл ердөө ганцхан минутын дотор болсон. Десерт өгөх гэж байхад румынчууд тушаал авсан гэнэтхэн босон харайж гарч гүйлдэн тэр дороо тарж алга болцгоосон. Хаалга, цонх гээд гарч болох бүх газраа гарч хүүхдүүдээ тэврээд маш хурдтай гүйцгээсэн. Ийм юм үзээгүй бас болно чинээ санаагүй бид ангайгаад л үлдсэн. Тэд 900 евро урьдчилж төлсөн ч цаана нь хоёр мянгын зууш хоо идэж оргилуун дарс архи ууцгаачихаад зугтчихлаа-
Дуудлагаар ирсэн цагдаа нар тэр хавийг самнаад нэг ч румыныг олж бариагүй гэнэ.
NUUTS.mn
