Нууц мэдээллийн уурхай

Өнгөрсөн жилийн хавар офшорчдын тухай мэдээллээ алдан дэлхийг шуугиулж байсан “Mossack Fonseca” компанийг үндэслэгч Рамон Фонсек/зураг/ болон Юрген Моссак нарыг баривчилсан байна. Энэ компани нь Панам дахь офшор данс тэдний эздийг бүртгэх үйл ажиллагаа явуулдаг байсан. Захирлуудыг нь баривчилсантай холбоотойгоор компаний ерөнхий оффисд нэгжлэг хийжээ. Одоогийн баривчилгааны шалтгаан нь Бразидийн төрийн өмчийн нефтний монополь компани болох Petrobras –ын санхүүгийн хулль бус ажиллагаа манхинацид “Mossack Fonseca”-г оролцсон хэмээн буруутгаж байгаа аж.  Энэхүү мөрдлөг 2014 оноос эхэлжээ. Өнгөрсөн онд итгэл хүлээлгэхгүй хэмээн ерөнхийлөгчийн суудлаасаа буусан Дилма Руссеф нь 2003-2010 онд Petrobras –ын ерөнхий менежерээр ажиллаж байсан. Энэ хугацаанд тус компани нь зах зээлийн үнээс хэт өндөр өртөгтэй гэрээ байгуулсан нь мөрдөн байцаалтаар илэрсэн. Мөн тухайн үедээ энэ хэргээ далдлахын тулд улстөрчид, төрийн өндөр дээд албан тушаалтнуудад их хэмжээний хахууль өгч байжээ. 2016 оны хавар Олон улсын сэтгүүлчдийн эрэн сурвалжилах алба “Mossack Fonseca”-д бүртгэлтэй төрийн өндөр тушаалтнууд болон бизнесмэнүүдийн офшор дансны мэдээлийг дэлхий даяар цацсан. Үүнд манай улсаас ч орсон.  Улстөрчдөөс  Сү.Батболд, Д.Цогтбаатар,  олны танил хүмүүсээс Бат-Үүлийн Чулуудай (Улаанбаатар хотын захирагчийн хүү) нарын нэрс байсан. “Mossack Fonseca” мэдээллээ алдсанаас болж Исландиин Ерөнхий сайд  Сигмундура Гуннлёйгссон, Испаны аж үйлдвэр% аялал жуулчлалын яамны сайд  Хосе Мануэль Сория нар огцорч байсан билээ. . 

НУУЦ.мн