Нууц мэдээллийн уурхай

Их Британы 45 настай Шед Симов нь бүтэн хоёр жилийн турш бүртгүүлсэн эмэгтэйчүүдэд ганцхан өөрийнхөө мэдээллийг  л үзүүлдэг танилцах сайт ажиллуулж байсан нь илэрчээ. Уг сайтад бүртгүүлсэн эмэгтэй хичнээн хайлт хийсэн ч ганцхан эрэгтэй болох Шед Симоны зураг анкет л гарч ирдэг байжээ.

Сайтад мөн эрэгтэй хүн бүртгүүлж болдог. Гэхдээ тэдэнд мөн л нэг ч эмэгтэй хүний мэдээлэл орж ирдэггүй агаад оронд нь өнөөх л Шед Симоны зураг гарч ирдэг гэнэ. Бүртгүүлсэн эрэгтэй Шедтэй танилцахаас татгалзаж “үгүй” гэж дарвал “Бөгтөр уул киноны үйл явдлыг давтах оролдлого тань амжилтгүй болсон нь харамсалтай” гэсэн ёж зурвас гарч ирээд улмаар бүртгэл нь цуцлагддаг байжээ. Хэрвээ эмэгтэйчүүд Шедтэй танилцахаас татгалзвал бас л цуцлагддаг. Сайтын эзэн бас танилцах цорын ганц эрэгтэй тэрээр маш олон танилцах сайт байдаг тул таарч тохирох бүсгүйг олоход маш бэрхшээлтэй цаг хугацаа зарсан ажил гэж тайлбарласан байна. Иймд зөвхөн өөртэйгээ л танилцуулах сайт нээж ажиллуулахаар шийджээ.