Нууц мэдээллийн уурхай

Иракийн армийн эгнээнд Исламын улсын эсрэг тулалдаж байгаа Жоанна Палани гэдэг мэргэн бууч эмэгтэйн устгасан дайсны тоо 100-д хүрчээ.

Тэрээр дайснуудынхаа зүрхэнд нь орсон тул Исламын улсын удирдагчид Жоаннаг амьдаар нь эсвэл толгойг нь авчирсан хүнд 100 мянган долларын шагнал амлаад байна. Мэргэн бууч бүсгүй Данид амьдардаг иран гаралтай гэр бүлд төржээ.

Багаасаа буудлага спортоор хичээллэдэг байжээ. 2011 онд Сирид ирж байлдааны ажиллагаанд оролцож эхэлжээ. Өнгөрсөн оны намар байлдааны карьераа дуусган Данид ирэхэд нь онгоцны буудал дээрээс шууд баривчилсан. Учир нь тус улсын хуулиар иргэдээ гадаад улсад болж байгаа цэрэг дайны ямар нэгэн ажиллагаанд оролцохыг хатуу хориглодог гэнэ. Тэрээр хоёр сар хоригдоод шинэ жилийн өмнөхөн суллагдсан. Өдгөө оршин суугаа газар хаягаа нууцлан амьдарч байна. 

Өмнө нь энэхүү курд мэргэн бууч бүсгүй Исламын улсын дайчдыг чичрүүлж байсан. “Курд асрагч” гэдэг хочтой тэрээр нийтдээ 60 гаруй дайчныг устгажээ.

Гэсэн ч өнгөрсөн жил Туркийн хилийн дэргэдэх Кобани хотод бүлгийнхээ хамт Исламын улсын дайчдад бүслэгдэн ширүүн тулааны эцэст бүгд алагджээ. Исламын улсынхан мэргэн бууч бүсгүйн цогцсыг зэрэмдэглэж толгойг нь тасалсан. Курдын талын мэдэгдсэнээр тэдний бүлгийн байрлалыг туркууд Исламын улсынханд мэдээлсэн гэдэг. 

NUUTS.mn