Нууц мэдээллийн уурхай

NEWSru Israel-д мэдээлснээр байнга л хүчин, бэлгийн дарамтын шуугиан хэл ам гарч байдаг Израйлийн армийг цочроосон хэрэг агаарын хэргийн нэгэн баазад гарчээ. Одоогоор нэр хаягийг нь нууцалж байгаа тус ангийн хугацаат цэргийн 50 албан хаагчийг штабын офицерийн 14 настай охиныг бүлэглэн хүчирхийлсэн хэргээр баривчлаад байгаа ч эхнээсээ суллаж эхэлжээ. Израйлын хуулиар 14 насанд хүрээгүй хүнтэй бэлгийн харьцаанд орохыг хориглодог ч энэ хэрэгт хохирогч нь өөрөө зөвшөөрсөн хэмээн мэдүүлсэн нь шуугиан тариад байна. Штабын офицерийн 14-тэй охин одоогоор 34 цэрэгтэй бэлгийн хавьталд орсоноо хүлээн зөвшөөрчээ. Түүний хавьтагч нэг бүрийнхээ  тухай тодорхой өгүүлсэн мэдүүлэг нь бараг 100 гаруй хуудас болсон гэнэ. Завхарсан охин гэгдээд байгаа тэрээр “би нэг ч хүнд гомдол гаргахгүй, учир нь би өөрөө эхэлж тэднийг өдсөн, санаачилга гаргасан. Цэргүүдийн нэг нь ч намайг өдөөгүй, ямар нэгэн байдлаар хүч албадлага хэрэглээгүй. Харин нь ч би тэдэнд өөрийгөө 16 настай гэж худлаа хэлдэг байсан. Цэргүүдийн хэн нь ч надад мөнгө төлөөгүй, би хэнээс нь ч хөлс мөнгө аваагүй” гэжээ. Энэ явдлыг Израйлийн армид нарийн зохион байгуулалттай оршдог нууц мэдээлэгчдийн шугмаар илрүүлжээ. Цэргийн цагдаагийн албанд агаарын цэргийн баазад болж байгаа завхралын тухай мэдээлэл ирсэн байна. Нууц мэдээлэгчдийн мэдээлийг шалгахаар цэргийн цагдаагийн ажилтан хугацаат цэргийн албан хаагчид хувиран ангид ирж тусгай ажиллагаа явуулж баримт цуглуулсны дараа хүчингийн хэрэг үүсгэн нийт 50 цэргийг баривчилжээ. Гэсэн ч өдгөө энэ хэрэг нь хүчин биш болох тийшээ хандсан гэнэ.