Франц цагдаа баривчлагааны үед сэжигтний анусанд бороохойгоо 10 см гүн “дүрж” орхижээ
Нийтэлсэн: 2017-02-07 14:46:23
Парисын Le Parisien сонины эх сурвалжийг дурдан The Local –д энэхүү хачирхалтай явдлын тухай мэдээлжээ. Гэхдээ цагдаа нар баривчлагааны үеэр санамсаргүй болсон явдал хэмээн мэдүүлсэн ч хэрэгт холбогдсон дөрвөн цагдааг одоогоор албанаас нь түдгэлзүүлээд байна. Мөн шулуун гэдсэндээ гэмтэл авч цус алдсан залуу эмнэлэгт хэвтэн эмчлүүлж байгаа аж. Энэ явдал өнгөрсөн долоо хоногийн пүрэв гаригт Парисын Сена - Сен-Дени дүүргийн Оне-су-Буа гэдэг гудамжинд болжээ. Дөрвөн цагдаа сэжиг бүхий хар арьст залууг саатуулан нэгжлэг хийх гэжээ. Нэгжүүлэх шаардлагыг эсэргүүцсэн тул баривчлахаар ноцолдоход хар залуугийн бэлтгэлийн өмд нь шувтарчээ. Энэ үед нь нэг цагдаагийн бороохой шулуун гэдэс руу нь орсон гэнэ. Дараа нь эмчийн үзлэгээр бүр 10 см гүн орсон нь тогтоогдсон байна. Хар залуу өвдсөндөө орилж дуу тавьсан ч цагдаа нар тоолгүй гавлан машиндаа суулгажээ. Машинд орсон хойноо л баривчлагдсан этгээдийн шулуун гэдэснээс цус алдаж байгааг анзаарч яаралтай эмнэлэгт хүргэсэн гэнэ. Хар арьстнууд цагдаа нар баривчлагааны үеэр бэлгийн хүчирхийлэлийн үйлдэл гаргаж гэмгүй хүнээр тохуурхан даажигнасан хэмээн эсэргүүцжээ.
NUUTS.mn
