Нууц мэдээллийн уурхай

МАН-ын хэдэн сайд нар цахимтай байлдах, төрийн бус байгууллагуудтай хамтран ажиллах санамж бичиг гэрээ энэ тэрхэн байгуулсаар сонгуульт хугацааныхаа нэг жилийг барж байна. Хийж байгаа ажил нь гэхэд нэг өдөр ам хадуурч буруу зөрүү зүйл ярина, маргааш нь ярьсанаа засаж залруулна, нөгөөдөр нь нэг эвгүйхэн зураг нь цахимаар тарна, нөгөөдөрийн маргааш нь ОЛУУЛАА ирж хэвлэлийн бага хурал зарлаж баахан тайлбар мэдэгдэл хийнэ. Энэ мэтээр он сар өдрийг өнгөрүүлж байна. Гитартай, Гитлер маягийн "ёсолгоотой" зургийнхаа талаар талаар Д.Оюунхорол сайд ОЛУУЛАА ирж тайлбар хийлээ.

Нэгэнт л төрийн ордон, төрийн яаманд дуулж хуурдаагүй юм бол тийм олон бараа бологсодын хэрэг юун билээ. Тэрний оронд Отгонтэнгэр сургууль дээр болсон нь үнэн гээд батлачих жижүүр ирсэн бол үнэмшилтэй байлаа. Сургууль дээрхи охиных нь өрөө нь төрийн далбаа, МАН-ын тугтай юм байна. Төрийн далбаа байж болох ч улстөрийн намын туг гайхал төрүүлэв. Уг нь сургууль боловсролын газарт  улстөрийн болон шашины үйл ажиллагаа явуулахыг хориглодог хуультай юмсан. Энэ мэтээр гишүүд, сайд нар “үнэт цагаа” алдаад байгаа нь харамсалтайяа...Ядаж байхад өөрсдөө ч их “фактлах” юм даа.