Давид Бэкхэм язгууртны цол авахын тулд хүмүүнлэгийн ажилд оролцдог байсан нь илэрчээ
Нийтэлсэн: 2017-02-06 03:53:12
.jpg)
Английн Лордуудын танхимаас олгодог хүлэг баатар зэрэг буюу язгууртны цолны төлөө л алдарт хөмбөмбөгчин Давип Бэкхэм олон жилийн турш хүмүүнлэгийн ажилд хандив туслалцаа өгч байсан нь илэрчээ. Тэрээр сүүлийн жилүүдэд НҮБ-ын дэргэдэх Хүүхдийн төлөө сан буюу ЮНИСЕФ-ийн нэр хүндтэй ивээн тэтгэгч хандивлагчийн нэг байсан. Гэхдээ түүний туслалцаа хандивын гол зорилго нь Лордуудын танхимаас өгдөг язгууртны цол хэргэм байжээ. Энэ цолыг зөвхөн Эрхэмсэг хатан хааны харьяатуудад олгодог бөгөөд эрэгтэйчүүд нь “Сэр”, эмэгтэйчүүд “Дам” гэдэг хэргэм хүртэж цолоо нэрийн хамт дуудуулдаг. Харин ийм цол хүртсэн Их Британий харьяат бус иргэд цолоо нэрийн хамт хэрэглэх эрхгүй байдаг. Энэ сарын 3-нд хакерууд Бекхэмийн хувийн захидлыг олон нийтэд дэлгэсэн. Уг цахим захидлуудад алдарт хөлбөмбөгчин “Сэр” цолны төлөө л ЮНИСЕФ-тэй хамтран ажилладагаа нуулгүй дурдаад хичээл зүтгэлийг нь одоо болтол зохих ёсоор үнэлэхгүй байгаа Лордуудын танхимийн гишүүдийн тэнэг мангарыг дуудсан байна. Мөн урам нь хугарсан тул ЮНИСЕФ-ийн Шанхайд зохион байгуулагдах томоохон арга хэмжээнд 800 мянган фунт өгөхөөс татгалзаж байгаагаа нэлээд бүдүүлэг хэлбэрээр илэрхийлжээ. Харин энэхүү захидлууд тарсаны дараа Давид Бэкхэм хуурамч хэмээн зарласан.
NUUTS.mn
