Нууц мэдээллийн уурхай

Ийнхүү огт тооцоолоогүй газар төрсний улмаас төрөх эмнэлэгт хагас сая долларын өрөнд унаад дээшээ тэнгэр хол доошоо газар хатуу болжээ. Европд цагаачаар ирсэн 43 настай нигери эмэгтэй Присцилла Америкийн иргэншил авах хялбар арга сэдсэн нь хүүхдээ тэнд төрүүлэх байжээ. Жирэмслэх төрөх хугацаа зэргээ нарийн сайн төлөвлөсөн гэнэ. Гэхдээ л мордохын хазгай гэгч болжээ. Тооцоогоор жирэмсэлсэн ч бүр хүүхэд олохдоо бүр дөрвөн ихэр хүүхэд олсон байна. Гэсэн ч яаж ийгээд Америкд нисэж очсон ч гааль хилийнхэн хил нэвтрүүлэлгүй Лондон нисэх онгоцонд суулган буужээ. Сэтгэл зүйн маш хүнд цохилтонд орсон эмэгтэйн бие онгоц агаарт хөөрөнгүүт тавгүйдэж улмаар төрөх гэж сандаргажээ. Нислэг дундаа орж байхад Присцилла агаарт төржээ. Нэг хүүхэд нь төрөнгүүтэй эндсэн бол нөгөө нь газарт буусан хойно өнгөрчээ. Өөрөө ч төрөхийн хүдрэлээр золтой л бурхан болчихсонгүй азаар амьд үлджээ. Ийнхүү дөрвөн хүүхдээс нь Элайджа, Эстер гэдэг хоёр нь үлдсэн нь өдгөө Лондонгийн нэгэн эмнэлэгт инкубаторд эрчимт эмчилгээнд эмчлүүлж байна. Нэг инкбуаторын долоо хоногийн төлбөр нь 30 мянган доллар гэнэ. Үүн дээр Присциллагийн өөрийх нь эмчилгээ, ор хоног, эм тарианы мөнгө нь нэмэгдээд өдгөө эмнэлэгт 500 мянган фунт буюу 650 мянган долларын өрөнд унаад байна. Энэ өр цаашаа улам нэмэгдэнэ. Учир нь хоёр ихрийн амь нас эрсдэлтэй хэвээрээ байгаа тул инкубатороос гаргаж болохгүй. Гэтэл эх нь төлбөрийн ямар ч чадваргүй. Өдөр бүр түүнд эмнэлгийн төлбөрийн нэхэмжлэлийг өгдөг агаад сохор ч зоосгүй хөөрхий эмэгтэй өөдөөс ийн хардаг гэнэ.

НУУЦ.мн