Нууц мэдээллийн уурхай

Энэ сарын 20-нд оросуудын эх орны дайн гэдэг дэлхийн 2-р дайнд оролцож явсан ахмад дайчин Шагдаржап Мункуев 101 нас сүүдрийг зоогложээ. Ахмад дайчны баярын өдрөөр орос дарга нар ирж Буриадын ерөнхийлөгч болон Улаан-Үд хотын даргын нэрийн өмнөөс баяр хүргээд 500 рубльтэй дугтуй өгөөд явсан нь буриадуудын дургүйцлийг төрүүлсөн байна.  

Буриад хүнийг яс үндсээр нь илт ялгаварлан хандсан энэ үйлдэлд нь дургүйцсэн залуус Буриадын ерөнхийлөгчид захидал бичиж шударга бус явдлыг таслан зогсоохыг шаарджээ. Өнгөрсөн жил болсон 100 насных нь ойгоор мөн л 500-хан рубль өгсөнийг ахмад дайчин хэлсэн гэнэ. Гэтэл орос ахмад дайчдад насны ойгоор нь доод тал нь 5000 рублиэс гадна томоохон дэлгүүрээс тусгай бэлэг хүртэл өгүүлдэг болохыг буриад ахмад дайчид баталжээ. Буриадын Нигймийн хамгааллын яамнаас мэдэгдсэнээр 2016 онд ахмад дайчдад өгөх бэлэг дурсгалд 600 мянган рубль зарцуулсан гэнэ.

Харин энэ удаад 101 насны ой нь тохиосон Шагдаржап Мункуевд цэцэг, баярын ил захидал болон 500 рубль өгсөнөө арга буюу хүлээжээ. 100 насалсан ахмад дайчдад төрсөн өдрөөр нь Оросын ерөнхийлөгчийн тусгай бэлгийг өгөх хуультай ч өнгөрсөн онд Шагдаржап Мункуевт өгч чадаагүйдээ “харамсаж” байгаагаа бас илэрхийлсэн гэнэ. Оросын төлөө байлдаад эцэстээ оросуудад ялгаварлагдсан буриад ахмад дайчин Улаан армид татагдаж Курск, Варшавын төлөөх зэрэг том тулалдаанд оролцож явжээ. Анги нь Берлинд 10-хан км зайтай ирээд байхад нь дайн дуусжээ. Дайны дараа жолоочоор ажиллан уурхайн том төв болох Донбассын сэргээн босголтонд оролцжээ. Нутагтаа ирээд тэтгэвэрд гартлаа модны үйлдвэрт ажилласан гэнэ.

NUUTS.mn