Нууц мэдээллийн уурхай

Япон солонгосчуудын дөрвөн жил барьсан Хөшигтийн олон улсын нисэх буудлыг дөрөвхөн өдрийн дотор зад шалгаж мянгаад зөрчил илрүүлж улам “алдаршсан” ЗТ-ийн дэд сайд Шилэн хэмээх Цогоо он гарсаар голдуу “ялагдаж” байна. Урьд нь тэрээр салбараасаа хальж гадаад бодлого руу ороод Баабард баалуулсан.

Монголын ядуучуудад тусалдаг Тайваны бяцхан төлөөлөгчийн газар манай зам тээврийн салбард ямар гай болоод байгааг дэд сайдтан л мэдэх байх. Тэгвэл саяхан дээрэлхэж сурсанаараа дуучин Нарааг доош хийх гээд өөрөө жинхэнэ 5:0 харьцаатайгаар нам таивиулжээ.

Дуучин бүсгүйг УИХ-д нэр дэвшиж байхад нь нэгэн ТВ-гийн шууд нэвтрүүлгийн үеэр “чи яг ямар дуу дуулсан бэн, ямар дуугаар чинь олон нийт танидаг вэ” хэмээн зориуд бэлдсэн асуултыг ихэд тавлангуй асууж байсан удаатай. Тэгвэл энэ удаад тавлах ээлж дуучинд иржээ. Шилэн Цогоо экс гишүүн Э.Мөнх-Очирын ФМ-д хөтлөгчөөр орж ажил амьдрлын гараагаа эхэлж байсан. Муугүй хөтлөгч байсан гэдэг. Харин өдгөө өөр “салбараар” дагнан нэр алдар албан тушаал ахих тусам бусадтай ийнхүү дээрээс доошоо харж харьцах болжээ. Амьдралыг шовх оройтой уул гэдэг. Өгсөхдөө бэлд нь тааралдаж байсан хүмүүстэйгээ уруудахдаа ахин учирдагийг мартаж болохгүй.