Уншигчидад энэхүү ер бусын нөхөрлөлийн түүх сонин санагдаж магад. Эд бол хэзээ л салж хагацашгүй найзууд болсон 89 настай Норма Кук эмээ болон 31-тэй латин гаралт царайлаг залуу Крис Сальваторе нар юм.
Өдгөө тэдний нөхөрлөлийн түүх Калифорноос халин бүх Америк даяар таржээ. Тэд дөрвөн жилийн өмнө Крис эмгэний амьдардаг олон давхарт байранд нүүж ирэн хөрш нь болсноор танилцсан. Эмгэн залууг хөршийн хувьд гэртээ урьсанаар нөхөрлөлийн түүх тавигдсан тухай Крис People сэтгүүлд өгсөн ярилцлагандаа өгүүлжээ.
-Норма миний хамгийн сайн найз. Түүний төлөө би бүхнийг хийнэ-
Сүүлийн нэг жилээс эмгэний ой ухаан саармагтаж эмнэлэгд хоёр сар хэвтжээ.
Эмч маш сайн асаргаа авахыг зөвлөсөн байна. Харин энэ үүргийг хөрш Крис шууд өөртөө хүлээжээ.
Тэрээр эмгэнийг эмнэлэгээс гарсанаас нь хойш одоо болтол 24 цагаар асарч сувилдаг. Нөхөрлөлийнхөө тухай цахимд #MyNeighborNorma хештегээр мэдээлэл цацдаг.
Даатгалын компани эмгэний асаргаа сувилгааны 40 мянган долларын зардлыг төлөхөөс татгалзахад Крис GoFundMe сайттай хамтран бүр 60 мянган доллар босгосон гэнэ.
Норма зан сайтай хөрш бол Крис хөгжимчин жүжигчин агаад хүүхнүүдийн хараа булаасан сайхан эр. Гэхдээ тэрээр ижил хүйстэн, мөн ихэнхи цагаа 89-тэй эмгэнийг асарахад зориулдаг тул бүсгүйчүүдэд гаргах зав байдаггүй.
NUUTS.mn