Еэвэн сараар гэртээ харих гэсэн хятад эсрэг чиглэлд 500 км явснаа “азаар” мэджээ
.jpg)
Хятадад насанд хүрсэн эр хүн гэртээ харих замаа андуурч эсрэг чиглэлд 500 км явж байсан тохиолдол гарчээ. Mashable-д мэдээлснээр Жичжау гэдэг хотод ажилладаг хятад эр төрсөн хот болох Чичикард амьдардаг аав ээжийндээ еэвэн сарын баярын өмнө амжиж очих гэж оны дараахан гарчээ. Төрсөн хот нь хойд зүгт 1700 км зайтай гэнэ.
Ажил хийж мөнгө олохоор Жичжау хотод жилийн өмнө ирсэн ч бүтэлтэй юм болсонгүй. Хоёр ч газарт ажилд орсон ч цалингаа авч чадалгүй хууртагдсан тул ар гэртээ мөнгө явуулах нь байтугай буцах зардалгүй болжээ. Нэгэнт галт тэрэгний тийзний ч мөнгөгүй болсон тул зоригтой шийдвэр гаргаж унадаг дугуйгаар хойд зүгт 1700 км аялж төрсөн хотдоо очихоор замд гарчээ. Тэрээр оны дараахан л замдаа гарсан ч санаанд оромгүй байдлаар хойд зүгт бус харин эсрэг чиглэл болох өмнө зүг рүү яваад байсан аж. Бүр 500 гаруй км явсан ч буруу зүгт явж байгаагаа мэдээгүй л байсан гэнэ. Ийнхүү эсрэг чиглэлд явсаар бүр Аньхуй мужийн нутагт ороод байхад нь орон нутгийн замын цагдаагийнхан тохиолдлоор зогсоожээ.
.jpg)
Цагдаа нар дүрэм зөрчин хурдны замаар дугуйтай явж байгаа эрийг зогсоон шалгаснаар будлиу эр цахимын од болсон байна. Эсрэг чиглэлд 500 км явчихсанаа мэдсэн хятад бүр цочиролд орсон гэнэ. Гэхдээ буцахдаа ахин 2000 гаруй км дугуйгаар явах хэрэг гарсангүй. Мөнгөгүй будлиу эрийг өрөвдсөн хүмүүс галт тэрэгний тийз худалдан авч өгөөд нутаг руу нь явуулжээ.
НУУЦ.мн
