Хүүгээ ижил хүйстэн гэдгийг мэдсэн ээж нь хутгалж хөнөөжээ
Нийтэлсэн: 2017-01-19 13:02:48
.jpg)
Бразильд 36 настай эмэгтэй 17-той хүүгээ ижил хүйстэн гэдгийг мэдмэгц хутгалж хөнөөсөн байна. Мөрдөн байцаалтаар Татьяна Лозано Перейра гэдэг эмэгтэй хүү Итаберлигээ цэнхэр гэдгийг нь мэдээд шууд хөнөөхөөр шийджээ. Эхлээд тэрээр хоёр алуурчинг хөлсөлсөн ч тэд даалгавраа биелүүлж чадсангүйд өөрөө гүйцээхээр шийдэж хутгалсан байна. Ижил хүйстэн гэгдэн ээжийнхээ гарт үхсэн хүүгийн цогцсыг хотын гадна гарган тариан талбайд шатаажээ. Үүнд хүүгийн хойд эцэг болох ээжийх нь нөхөр тусалжээ. 17 настай хүү сураггүй алга болсон тухай эмээ нь цагдаад мэдэгдсэнээр мөрдөн байцаалт эхэлжээ. Хүү нь алга болчихоод байхад цагдаад хандаагүй ээжийг нь хамгийн түрүүнд сэжиглэсэн гэнэ. Эхний байцаалтаар л эмэгтэй хүүгээ ижил хүйстэн гэдгийг мэдээд гэр бүлийнхээ нэр хүндийг гутамшигаас аврахын тулд хөнөөсөн гэж мэдүүлжээ.
