Нууц мэдээллийн уурхай

Хэрэгт холбогдох үедээ “Айр эксперт”-ын тийз борлуулагчаар ажиллаж байсан М.Б нь “Бридж” группийн “Хан Мон Лоу” компаний 10 ажилтны Солонгос явах онгоцны тийз гаргаж өгнө гэж хуурамж онгоцны тийз бичиж өгөөд 9.8 сая төгрөгийг нь завшсан хэрэгт холбогджээ. Тэрээр “...мөнгөний шаардлага гарч “Хан Мон Лоу”-тай холбогдож 9.8 сая төгрөгийг авч хувьдаа завшиж хэрэглэсэн. Би энэ хэргийг ажлаа хийж байх хугацаандаа үйлдсэн” гэжээ. Харин хохирогч компанийхан “....Манай компаний 10 ажилтны хамт БНСУ дахь таван компаниас баталсан бизнес аялалын хөтөлбөрийн дагуу 2016 оны 7-р  сарын 8-ны өдөр Сөүл яваад 2016 оны 7-р сарын 17-ны өдөр буцаж ирэхээр энэ оны эхнээс төлөвлөсөн. 2016 оны 5-р сарын 13-ны өдөр буюу явахаас 2 сарын өмнө "Air expert”-д хандан 10 хүний нислэгийн суудал бичүүлсэн. Ажилтан М.Бат-Оршихтой холбогдсон бөгөөд бидэнд 9 тийз бичиж хэвлэн, манай ажлын байранд авч ирээд 8 хүний төлбөрийг нь бэлнээр тоолж өгсөн. Баримт шаардахад мөнгийг чинь өгч байж баримт хэвлэгддэг тул очоод эргүүлээд явуулъя гэсэн. Дараа нь нэг хүний тийзний мөнгийг ирж авсан. Нийтдээ 9.8 сая  төгрөгийг бэлнээр өгсөн. 2016 оны 6-р сарын 30-ны өдөр МИАТ-ийн лавлахаас шалгуултал тухайн өдрийн нислэгийн зорчигчдын нэрсийн дунд манай ажилтнуудын нэг нь ч байхгүй тухай хэлсэн. Гайхаад “Air expert”-д  хандан шалгуултал М. Б нь ажлаас халагдсан. Та нарын нэрс зөвхөн захиалгын жагсаалтанд байна. Хурдан төлбөрөө төлж авахгүй бол суудал цуцлагдана гэсэн хариу авсан М.Б-г дуудан ирүүлж учир байдлыг лавлатал тийзийг чинь одоо манай нягтлан танай и-мейл хаягаар явуулж байгаа. Түр хүлээж байгаарай хэмээн хоёр цаг хүлээлгэсэн.  Мөн өөрийгөө ажлаас гараагүй байгаа. Өнөөдөр гэхэд л миний нийгмийн даатгал бодогдоод цалин хүртэл орж байгаа мэтээр худал яриад байсан тул үнэнийг шалгааж эхэлсэн. Харин удтал шалгаасны эцэст биднээс авсан мөнгөө хувьдаа завшсан гэдгээ хүлээн зөвшөөрч, биднийг хохиролгүй болгоно гэдгээ амласан. Солонгос дахь компаниас дахин мөнгө явуулж өсөлттэй үнээр тийз авч явсан” гэжээ.