Согтуу орос амийг нь аварсан эмэгтэйг хүчирхийлж “талархал” илэрхийлжээ
Нийтэлсэн: 2017-01-13 03:04:56
Rosbalt.ru-д мэдээлснээр Чебоксар хотод согтуу эр амийг нь аварсан эмэгтэйг зодож хүчирхийлжээ. Сүүлийн өдрүүдэд энэ хотод 30 хэм хүртэл хүйтэрч байгаа аж. Өнгөрсөн оны 12-р сарын 26-нд нэгэн эмэгтэй орой ажлаасаа тарж яваад гэрийнхээ ойролцоо архи хэтрүүлэн хэрэглэсний улмаас согтоод унасан согтуу эртэй тааралджээ. Эмэгтэй ухаангүй эрийг чирч гулдарч орцонд оруулаад арайхийн сэрээжээ. Гэтэл ухаан орсон согтуу эр гэнэт бүсгүй рүү дайрч зодож цохин улмаар хүчирхийлсэн байна. Согтуу эрийг хөлдөж үхэхээс аварсан биш хүчиндүүлж хохирсон бүсгүй орцны айлаас тусламж гуйн цагдаад дууджээ. Дуудлагаар ирсэн цагдаа хүчирхийлэгчийг байрнаас холгүйхэн бас л тасраад уначихсан байхад нь олж баривчилжээ.
