Согтуу хүүхэнд дургүй экс орос цагдаа 59 эмэгтэйг хөнөөснөө хүлээжээ
Нийтэлсэн: 2017-01-11 02:00:10
«Российской газеты»-д мэдээлснээр Оросын түүхэн дэх хамгийн аймшигт цуврал алуурчин баригджээ. Тэр нь Ангарск хотын цагдаагийн газрын экс ажилтан 52 настай Михаил Попков гэнэ. Өнгөрсөн онд баригдсан түүнийг 22 эмэгтэйн аллагад буруутгасан бол мөрдөн байцаалтын явцад ахин 37 эмэгтэйг хөнөөсөн гэдгээ өөрөө хүлээжээ.
Экс цагдаа 1994-2007 оны хооронд нийт 59 аллага үйлджээ. Михаил Попков 1987 онд 22 настайдаа анх цагдаагийн байгууллагад ажилд орсон байна. Тэр үед охин нь дөнгөж төрөөд байсан гэнэ. Ангарск хотод жижүүр, эргүүлийн цагдаагаар зургаан жил ажиллажээ. Анхны аллагаа 1994 онд үйлдсэн агаад хохирогч нь найз нартайгаа наргиад гэр лүүгээ буцаж явсан залуухан эмэгтэй байжээ. Үүнээс хойш тэрээр зөвхөн согтуу эмэгтэйчүүдийг ангуучлах болсон.
.jpg)
Нийт 59 хохирогч нь бүгд 18-30 насны, тухайн үедээ согтуу байсан эмэгтэйчүүд гэдэг нь мөрдөн байцаалтаар тогтоогджээ. Михаил Попков тэднийг гэрт нь хүргэж өгье хэмээн машиндаа суулгаад замдаа яриа өдөж бэлэн авч яваа архиараа шахаж улам согтоодог, дараа нь ойд аваачиж хүчирхийлээд хөнөөдөг байжээ. Алуурчин өөрийнхөө үйлдлийг нийгмийг согтуу эмэтэйчүүдээс цэвэрлэх зорилготой гэж тайлбарласан байна.
NUUTS.mn
