“Сэнтрал Тауэр”-д бөмбөг дэлбэлнэ гэж сүрдүүлсэн этгээд АНУ-ын иргэн байжээ
Нийтэлсэн: 2017-01-10 02:43:24
.jpg)
Сүхбаатар дүүргийн наймдугаар хороо, Төв талбайн зүүн талд байрлах “Сэнтрал Тауэр”-д үл таних гадаадын иргэн тэсрэх бөмбөг дэлбэлнэ хэмээн заналхийлсэн хэрэг өчигдөр гарсан. Тэгвэл сэжигтэн этгээд 51 настай АНУ-ын иргэн М байжээ. Эх сурвалжийн мэдээлснээр тэрээр нэгэн байгууллагын албан тушаалтантай уулзах хүсэлт гаргасан ч бүтээгүйн улмаас ийнхүү “Сэнтрал Тауэр”-д бөмбөг дэлбэлнэ хэмээн иргэдийг сүрдүүлсэн байна. Сэжигтэн этгээд 51 настай АНУ-ын иргэн М байжээ. Хэргийн талаар ЦЕГ-ын Хэвлэл мэдээллийн төвийн албаны эх сурвалж “Анх цагдаагийн байгууллагад гадаадын иргэн тэсрэх бөмбөг байрлуусан гэх мэдээлэл иргэдээс ирсэн. Энэ дагуу цагдаагийн алба хаагчид холбогдох албаны хүмүүстэй хамтран хэргийн газар дээр үзлэг, шалгалт явуулахад дээрх мэдээлэл тогтоогдоогүй. Хэргийг харъяаллын дагуу ТЕГ-т шалгаж байгаа тул дэлгэрэнгүй мэдээлэл өгөх боломжгүй” гэв. НУУЦ.мн
