Ц.Цэвэрбал: М.Энхболдын хүү Э.Анар сагсан бөмбөгийн холбоог авахаар зүтгэж буйд харамсаж байна
Нийтэлсэн: 2017-01-09 13:17:54
.jpg)
Монголын Үндэсний сагсан бөмбөгийн холбооноос /МҮСБХ/ өнөөдөр Монгол ньюс агентлагт МҮБСХ /Монголын үндэсний сагсан бөмбөгийн холбоо/ болон МСБХ /Монголын сагсан бөмбөгийн холбоо/-ны удирдлагууд 2016 ондсагсан бөмбөгчдийн гаргасан амжилтууд болон сагсан бөмбөгийн спортод тулгамдаж буй асуудлын талаар хэвлэлийн хурал хийлээ. Өнгөрсөн оноос эхлэн тус хоёр холбоо хамтран ажиллахаар хэлэлцэж, гарынүсэг зурсан.Энэ нь тамирчдын амжилтанд төдийгүй, эв нэгдлийн бэлэг тэмдэг болсон. Гэвч сүүлийн үед тус холбоог мэргэжлийн бус хүмүүс авах оролдлого хийсээр байна гэж тус холбооныхон мэдээллээ эхлүүллээ.
МСБХ-ны Ерөнхийлөгчөөр сагсан бөмбөгийн спортын хөгжлийн төлөө өөрийн бүх амьдралаа зориулсан, сагсан бөмбөгийн анхны гавьяат дасгалжуулагч Ц.Цэвэрбалыг сонгосон нь спортыг улс төрөөс салгая гэсэн сагсан бөмбөгчдийн чин хүсэл байв. Энэ хүсэл нь ч биелж, Монголын ширэн бөмбөгчид тив дэлхийд алдраа цуурайтуулж эхэлсэн. Энэ хугацаанд анх удаа тивийн аварга шалгаруулах тэмцээнийг зохион байгуулж, өсвөр үе, насанд хүрэгчид, ахмадын зэрэг дотоодын тэмцээнүүдийг МҮСБХ-той хамтран эв нэгдэлтэйгээр амжилттай зохион байгуулж байсан түүхтэй.
МҮСБХ-ны Ерөнхийлөгч Ц.Цэвэрбал: ЕРӨНХИЙЛӨГЧИД ӨРСӨЛД ГЭЖ САНАЛ ТАВЬСАН Ч ХАРИУ ӨГӨӨГҮЙ ШҮҮ ДЭЭ
МҮСБХ нь 2016 оны хоёрдугаар сард Улсын бүртгэлд албан ёсоор бүртгэгдсэн. Сагсан бөмбөгийн хөгжүүлэхийг зорьсон бүх хүн нэгдээд ажиллаж байгаа. Энэ маань ч тодорхой үр дүнгээ өгөөд байна. Гэтэл сүүлийн үед УИХ-ын дарга М.Энхболдын хүү Э.Анар Улсын бүртгэлийг хүчингүй болгож, өөрөө холбооны ерөнхийлөгч болохоор зүтгэж буйд харамсаж байна. Дарга даамал гэх нэр зүүсэн хэсэг бүлэг хүмүүс Улсын бүртгэл,оюуны өмчийн газарт бичиг илгээн манай холбооны бүртгэлийг хүчингүй болгохоор чармайж, энэ талын ажлыг нэгэнт хийгээд эхэлсэн бололтой.МСБХ нь Төрийн бус байгууллага ба удирдах дээд байгууллага нь бүх гишүүдийн хурал. Уг хурлаар удирдлага, Ерөнхийлөгчөө сонгох дүрэмтэй. Бүх гишүүдийн хурлаар сонгогдсон Ерөнхийлөгч Ерөнхий нарийн бичгийн дарга болон шинээр сонгогдсон Удирдах зөвлөлийн бүрэлдэхүүн нь Монгол Улсын Улсын Оюуны өмч, Улсын бүртгэлийн газрын бүртгэл, Монгол Улсын ямар ч хуулийн хүрээнд хүчин төгөлдөр, хууль ёсных билээ. Манай холбоо хамтарч ажиллая гэсэн хүн бүхэнд нээлттэй байгаа. Бид өнгөрсөн онд бүх гишүүдийн хурлаа хийж, Ерөнхийлөгчид өрсөлд гэж санал тавьсан. Гэвч огт хариу өгөөгүй шүү дээ.
МҮСБХ-оос холбооны ажилд саад учруулах асуудлаа зогсоож, хамтран ажиллахыг Монголын Сагсан бөмбөгийн холбооноос хүсэж байгаагаа энэхүү хэвлэлийн хурлын үеэр хүслээ.
NUUTS.mn
