Нууц мэдээллийн уурхай

«Экспресс К»-д мэдээлснээр Казакстанд гайхалтай хэрэг гарчээ. Хоёр үзэсгэлэнт бүсгүй хоёр залууг байрандаа урьсан ч тэр нь урхи байжээ. Залуусыг нь байранд ороход гурван булиа эр гэнэт гарч ирэн хүүхнүүдийг оролдлоо хэмээн барьцаалжээ. Барьцаалагдсан залуус хэлсэнийх нь дагуу 400 банш чимхэж өгөөд гурван өдрийн дараа суллагдсан гэнэ. Гурван хоног боолын хөдөлмөр эрхэлсэн Рустам гэх залуу “...бид хоёр шөнийн клубд хоёр хөөрхөн хүүхэнтэй танилцсан. Тэд биднийг гэртээ урьж гоё машинаар нь явсан. Байранд нь ортол гэтэт гурван эр гараад ирсэн. Найз хүүхнүүдийг нь оролдлоо хэмээн дайрч биднийг барьцаалсан. Гэхдээ 400 банш чимхэж өгвөл зүгээр явуулна гэсэн тул гурван өдөр ажиллаж байсан банш хийж өгөөд суллагдсан” гэжээ. Цагдаа нар Рустамаар урхи тавьж шөнийн клубуудад отолт хийн нөгөө хоёр хүүхнийг барьж авчээ. Гэсэн ч боолчууд ажиллуулдаг баншны цех нь аль хэдийн бутарсан байж. Бүсгүйчүүдийн мэдүүлснээр ээлжит урхидуулагч залуу нькаратэгийн хар бүстэн байж таарсан  тул гурван булиа хамгаалагчийг нь нам цохиж унагажээ. Улмаар гарахдаа хамаг банш баншны материалыг нь хамж яваад арилсан гэнэ.