Нууц мэдээллийн уурхай

Уэльсийн охин Элли Жонсын эрүүг төрөлхийн гэмтэлтэй дутуу хөгжилтэй гэсэн онош 14 насанд нь тавьжээ. Эрүүний өсөлт нь зогсонги байдалд орсоны улмаас шүднүүдийх нь зөв байрлал алдагдаж буруу хэлбэртэй ургасан. Эрүү нүүрний бүх төрлийн эмчилгээ хийлгэсэн ч үр дүн гарсангүй.

Шүд эрүүнийх нь хэвийн хөгжил алдагдсан тул Элли сүүлдээ өөрийгөө ч толинд харах дургүй болжээ. Сургууль дээрээ элдэв доог тохуу ярианы сэдэв болж найзлаж нөхөрлөх хүүхдүүд ч гарсангүй. Гадаад төрхөнд нь хүүхдүүдийн гаргаж байгаа хандлагаас болж охин сэтгэцийн эмгэгтэй болсон байжээ.

Түүнтэй эрүү нүүрний гоо сайхны мэс заслаар дагнаж мэргэшсэн эмч тааралдах хүртэл энэ байдал үргэлжилсэн гэнэ.  Охиныг өрөвдсөний хажуугаар өөрийн ур чадвараа харуулах гэсэн мэс засалч шууд эмчилгээгээ эхэлжээ. Эхлээд эрүүг нь нь зүсэж тайран пластик хиймэл эрүү залгасан байна. Энэ эмчилгээ бүтэн сар үргэлжилсэн агаад зөвхөн шингэн хоол л идэж ууж байжээ. Эрүү нь эдгэрсний дараа буруу хэлбэртэй ургасан бүх шүднүүдийг нь авч мөн засаж янзалсан байна. Эмчилгээ бүрэн дуусахад нугасны муухай дэгдээхэй байсан охин миссийн тэмцээнд оролцохоор үзэсгэлэнтэй болж хувирчээ.

Мэс засалчийн мэдэгдсэнээр иймэрхүү эмчилгээг бага насанд нь хийх нь тохиромжтой, эмчлүүлэгч нь  16 нас хүрсэн байсан тул нэлээд бэрхшээл гарсан гэжээ.