Ухаалаг аав нууц камер ашиглан Санта байдгийг бяцхан охиндоо “баталсан” хөгжилтэй бичлэг
Нийтэлсэн: 2016-12-29 00:32:17
.jpg)
TJournal-д мэдээлснээр Михал Могила гэдэг польш аав Санта байдаг гэдэгт итгэхээ больсон зургаан настай охиндоо хүүхэд насных нь итгэл үнэмшилийг буцаан авчирч чаджээ. Ухаалаг аав үүндээ нууц камер болон тусгай эффект ашигласан байна.
-Охин маань Санта байдаг гэдэгт итгэхээ больсон гэсэн тул би сайхан сэтгэлт цагаан сахалт өвгөн шөнө дунд ирж бэлэг өгдөгийг батлахаар шийдсэн. Зул сарын баярын орой охин бид хоёр сүлд модныхоо хажууд нууц камер байрлуулан Сантаг бичиж авахаар тохиролцсон. Өглөө нь бэлгээ харсаны дараахан охин маань бичлэг үзүүлэхийг шаардсан-
Бичлэгт гэнэт утаа манан татан Санта гарч ирж байна. Тэрээр баярын ширээнээс уух юм аваад дараа нь камерийг ажиглаад хуруугаа зангана. Дараа нь ид шидээ ашиглан бэлэг гаргаж ирээд эцэст нь ирсэн шигээ утаа татуулан алга болно. Бичлэгийг үзсэн охин “Санта байдаг юм байна, би харлаа, итгэмээргүй юм, би өрөөнд орж ирэхдээ л түүний үнэрийг мэдэрсэн” хэмээн хөөрч байна. Тусгай эффект нь хэдийгээр Холливуудын хэмжээнд хүрээгүй ч бяцхан охинд Санта үнэхээр байдгийг итгүүлж чадсанаар шинэ жилийн энэ үлгэр аз жаргалтай төгсжээ.
НУУЦ.мн
