Жорж Майкл буяны болон хүмүүнлэгийн ажилд сая сая доллар нууцаар хандивлаж иржээ
Нийтэлсэн: 2016-12-27 00:23:30
.jpg)
Өчигдөрхөн бурхан болсон алдарт дуучин Жорж Майкл буяны болон хүмүүнлэгийн ажилд олон сая доллар нууцаар хандивлаж ирсэн нь ил болжээ. Тэрээр өгсөн мөнгөнийхөө хэмжээнээс үл хамааран ямар ч үед нууцлаг үлдэхийг хүсдэг байжээ. Deal Or No Deal нэвтрүүлгийн хөтлөгч Ричард Османы баталснаар нэвтрүүлэгт нь орсон нэгэн эмэгтэй хиймэл үр тогтооход нь 15 мянган фунт хэрэгтэй байгааг ярьжээ. Маргааш нь Жорж Майкл нууцаар утасдаад хэрэгтэй мөнгийг нь өгсөн гэнэ. Түүнээс гадна Childline, Terrence Higgins Trust болон Macmillan Cancer Support зэрэг хүнд өвчтэй хүүхдүүдэд тусалдаг хөтөлбөрд нэлээд хэдэн сая доллар хандивлажээ. Талийгаачийн ээж нь хорт хавдраар нас барсан. Майкл сүүлийн арван жилийн турш тоглолтынхоо орлогоос ээжийг нь эмчилж байсан эмнэлэгт байнга хандивлаж байсан нь мөн ил болжээ.
