240 саяын талаар АН-ын даргад нэр дэвшигчид юу гэж хэлэв...
Өдгөө 40 саяар нэмэгдэн 240 болсон намын даргын сонгуулийн зардлын тухайд С.Эрдэнээс бусад нь таагүй хандсан хэвээрээ байна. Ганцхан С.Эрдэнэ л их мөнгөний шалгуурыг дэмжиж мөнгө босгож чадахгүй бол улстөрч гэж өөрийгөө хэлэх хэрэггүй хэмээн бусдыгаа тохуурхлаа. Тэрээр “ намын даргын сонгуулийн зардлыг гаргах мөнгө АН-д байхгүй. Хоёрдугаарт, Ардчилсан нам төсвөөс санхүүждэг нам биш. Ардчилсан нам бол гишүүд дэмжигчдийнхээ хандив дээр тогтдог. Энэ их хэмжээний мөнгийг гаргах боломж байхгүй. Харин нэр дэвшигч нар өөрсдөө зардлаа хариуцаад сонгуульд оролцъё гэсэн. Энэ бол намын даргад тавьж байгаа бас нэг шалгуур. Аль ч улс оронд сонгуульд нэр дэвшиж байгаа хүн баян, таргандаа нэр дэвшдэггүй. Улс төрч хүний бас нэг чадвар бол мөнгө босгох, өөрийгөө олон түмэнд зөв ойлгуулах, хүрээлэл бий болгох, тэр дотроосоо санхүүгийн дэмжлэг олж авч чаддаг байх. Жишээ нь, АНУ-ын Ерөнхийлөгчийн сонгуульд өрсөлдсөн Дональд Трамп бол Хиллари Клинтоноос хэд дахин илүү баян. Гэхдээ Хиллари сонгуулийн зардлаа Трампаас илүү босгож чадсан. Энэ бол түүний бодлогоо олон түмэнд таниулж чадсан улс төрчийн чадвар. Трамптай энэ тэнцүү өрсөлдсөн. Улс төрч хүнд нэг том чадвар байх ёстой. Санхүүгийн хувьд мөнгө босгох, өөртөө татаж чаддаг чадвартай байж улс төр хийдэг юм” гэсэн байна.
.jpg)
NUUTS.mn
