Ц.Нямдорж: Туслахууд унтаж буй гишүүдээ орноос нь босгоод авч ир.../бичлэг/
ИХ-ын чуулганы нэгдсэн хуралдаан гишүүдийн ирц хүрэхгүйн улмаас нэг цаг хоцорч эхэллээ. УИХ-ын дарга М.Энхболд ОХУ-д айлчилж байгаа тул хурлыг УИХ-ын дэд дарга Ц.Нямдорж даргалж байна. УИХ-ын 16 гишүүн томилолттой яваа бол 2 гишүүн эмнэлгийн чөлөөтэй. Тэрээр "УИХ-ын чуулганд Ерөнхийлөгч л хүссэн үедээ суух эрхтэй. Харин УИХ-ын гишүүд бол цагтаа ирж, цагтаа тарах үүрэгтэй. Хамгийн залуу гишүүн Д.Гантулга, Н.Учрал, Л.Оюун-Эрдэнэ нар хуралдаа ирцгээ. Энэ залуучууд жаахан нойроо дааж сурмаар юм аа. Хаачсан юм" гэхчлэн хатуу үг чулуудлаа. УИХ-ын дэд дарга Ц.Нямдорж үргэлжлүүлэн "Ажил 8.00 цагт эхэлдэг, хурал 10.00 цагт эхэлдэг. АН-ыг олонхи байх үед МАН-ын гишүүд бид ирц муу байна гээд нүүрийг нь улайтал хэлдэг байсан шүү дээ. Одоо яахаараа МАН олонхи болчихоод, 65-уулаа болчихоод ирцээ бүрдүүлж чадахгүй байгаа юм. Гишүүд хаачсан юм. УИХ дахь МАН-ын бүлгийн дарга Д.Хаянхярваа, дэд дарга Б.Саранчимэг нар ирцээ бүрдүүл. Ирцийн асуудлыг 65-ын бүлэг дээрээ ярь. Ирц нь бүрддэггүй эрх баригч бүлэг гэж юу байдаг юм" гэлээ.
НУУЦ.мн
