Асрамжийн газарт байгаа эцэг эхийг нь эргүүлэхийн тулд хүүхдүүдэд нь мөнгө амлажээ
Нийтэлсэн: 2016-12-06 01:39:25
Хүн ам нь улам бүр хөгширч байгаа Хятадад өндөр настнуудын асуудал хурцаар тавигдах боллоо. Өдгөө энэ улсад 60-аас дээш настай 400 гаруй сая хүн амьдарч байгаа нь цаашдаа улам өсөх хандлагатай байна. Үүнээс үүдэн хүн амын сэтгэлзүйд ч том өөрчлөлт гарч үр хүүхдүүд нь эцэг эхээ асрамжийн газарт өгөөд зугтдаг, мартдаг болжээ. Yangtze Evening News-д мэдээлснээр хүүхдүүддээ мартагдсан өндөр настнууддаа туслах зорилгоор Жаньси мужийн Сижоу хотын улсын асрамжийн газар “мөнгөөр даллах” гэдэг арга хэмжээ хэрэгжүүлж эхэлжээ. Асрамжийн газрын захиргаа эцэг эхээ эргэж ирсэн хүүхдүүдэд нь мөнгө өгөхөөр зарласнаар ойрд хөл ихтэй байгаа гэнэ. Хоёр сарын дотор 30 удаа эцэг эхээ эргэсэн хүүхдүүдэд 200, 100 удаа эргэсэн бол 100 юань өгөхөөр тариф тогтоожээ. Дурдсан хугацаанд 10 удаа эргэсэн бол асрамжийн газраас барьцаагүйгээр 50 юань зээлж болох гэнэ. Тус асрамжийн газар 60-80 насны 500 өндөр настантайгаас 90 хувь нь ямар ч эргэлт авдаггүй, үр хүүхдүүдээ мартагдсан хүмүүс аж.
