Нууц мэдээллийн уурхай

Өнөөдөр ОХУ-ын дипломат ажилтанд зодуулсан дуучин Амараагийн хэргээр төлөөлөл болон өмгөөлөгчид нь ЭСЯ-нд нь очиж уулзжээ. Энэ үеэр элчингийнхэн "Энэ хэрэг дээр ОХУ-ын ЭСЯ дипломат албан ёсны хүрээнд хамтран ажиллахад бэлэн байгаа. Шүүхээс манай дипломатын гэм буруутайг нотлосон үед бид түүнд хатуу хариуцлага ногдуулах болно.Түүнчлэн дипломат төлөөлөгч холбогдсон гэх эл хэрэгт ОХУ-ын Ерөнхийлөгч В.Путин анхаарал хандуулан ажиллаж байна. Манай Элчин сайдын яамны зүгээс гэм буруутай этгээдийг нууж, хаацайлсан ямар нэгэн асуудал үүсгээгүй. Бид Монгол Улсын Гадаад харилцааны яамнаас мэдэгдэл ирэхийг хүлээж байлаа. Та бүхнийг бидэнд хандсанд талархаж байна. Дуучин С.Амармандах болон түүний ар гэрийнхнээс дахин дахин хүлцэл өчиж байна"гэсэн. Хэрвээ манай ГХЯ-ныхан хүнд суртал гаргалгүйгээр уучлал гуйхыг шаардсан мэдэгдлээ гаргачих юм бол энэ хэргийн үйл явц түргэсэх гээд байдаг. Асуудал бүрхэг удааширалтай байгаагийн шалтгаан нь оросууд өөрийн хүнээ хамгаалаад нуугаад байгаадаа биш харин манай холбогдох албаныханд байгаа аж. Эсвэл ГХЯ хотын дарга нартай ярьж байж мэдэгдлээ гаргах гээд байна уу…

NUUTS.mn