Сарын 3 мянган долларын тэтгэмжтэй ажил хийдэггүй хэт тарган хос шүүмжлэлд өртжээ
Нийтэлсэн: 2016-12-02 07:34:49
Америкийн Плимут хотын 180 кг жинтэй Стивен Бир, 145 кг жинтэй Мишель Кумб нар гэрлэснээсээ хойш хэзээ ч ажил хийж байгаагүй гэнэ. Учир нь хэт тарган тэднийг хаана ч ажилд авдаггүй тул арга буюу улсын тэтгэлэгээр амьдардаг. Тэд сардаа 3000 доллар авахаас гадна эмнэлгийн зардлыг нь улс даадаг.
.jpg)
145 кг жинтэй эхнэр Мишель нь хэзээ ч ажил хийж байгаагүй бол 180 кг жинтэй нөхөр нь гэрлэхээсээ өмнө буюу зургаан жилийн өмнө ажлаасаа халагдаж тэрнээс хойш тэтгэлэгийн мөнгөөр амьдардаг болжээ. Гэрлэснийхээ дараа бараг тавин кг нэмсэн тул өдгөө хөл дээрээ хэдхэн минут л зогсож чаддаг. Долоо хоног бүр тэднийд сувилагч ирж үзлэг хийгээд усанд оруулдаг гэнэ.
Зургаан жилийн өмнө тэднийг гэрлэхэд хуримын зардал нь 4500 доллар гарсан нь бас л тэтгэмжийн сангаас төлөгджээ.
Хэт тарган хосыг ийнхүү бөөцийлж байгаад олон нийт дургүйсэн байна. Харин тэд эргээд өөрсдийг нь буруутгажээ. Нөхрийг нь хэт тарган гээд ажилд огт авдаггүй байсаар өдгөө хувь заяатайгаа эвлэрчээ.
Мөн Плимут хотыхны 60 хувь илүүдэл жинтэй хэмээн бусадтайгаа барьцсан байна.
