“Петрочайна ДачинТамсаг”-ийн хариуцлагагүйгээс болж дөрвөн хүний амь хохирчээ
Нийтэлсэн: 2016-11-28 02:41:34
Энэ сарын 25-ны өдөр Дорнод аймгийн Халх гол суманд газрын тос олборлолтын үйл ажиллагаа явуулдаг “Петрочайна Дачин тамсаг” компанийн туслан гүйцэтгэгч “Зөв боломж” компанийн 21 ажилтан үл мэдэх шингэнд хордож дөрөв нь нас бараад байна. Мөн нэмээд таван иргэний бие хүндэвтэр байдалтай байгаа юм. Уг хэргийн талаар Дорнод аймгийн Засаг даргын тамгын газрын олон нийттэй харилцах мэргэжилтэн “Албаныхан газар дээр ажиллаж байна. Урьдчилсан байдлаар компанийн ажилтан махны агуулахаас шилтэй үл мэдэх шингэн зүйл авч өрөөндөө тавьсныг орж ирсэн хүмүүс уусны улмаас хордсон. Тухайн шингэн зүйл юу болохыг тогтоохоор албаныхан ажиллаж байгаа” гэсэн мэдээллийг өгсөн. Тэгвэл албан бус мэдээллээр махны агуулахаас авсан тус шингэнийг ажилчид архи хэмээн андуурч уусан байна. Тэгэхээр шилтэй шингэн архитай ижил, төстэй харагдсан болж таарах нь. Хоёрдугаарт тус шингэнийг чухам юу болохыг “Зөв боломж” компанийн удирдлагууд маш сайн мэдэх учиртай. Учир нь уг компани нь тус шингэнийг юунд, хэрхэн ашиглах гэж авснаа хамгийн сайн мэдэж байгаа.
НУУЦ.мн
