Өрөнд орсон вьетнам засварчин явганаар хил даваад баригджээ
Нийтэлсэн: 2016-11-28 02:03:40
.jpg)
Гэхдээ манай хилчдэд бус харин Хятадын талд баригджээ. Монголд ирж ажилласан ч их хэмжээний өрөнд орсон 25 настай вьетнам залуу Хо Пуок Ван нь 2016 оны 9-р сарын 11-ний өдөр Дорноговь аймгийн Замын-Үүд сумын Хилийн 01...-р ангийн хариуцсан 8...-р тэмдгээр хилийн боомт бус газраар хууль бусаар Монгол Улсын хилийг нэвтэрч чаджээ. Болсон явдлын тухай хилчид “...тухайн өдөр шуурхай жижүүрийн үүгийг гүйцэтгэж байсан, өглөө 6 цаг 20 минутанд хилийн хяналтын камерт нэг хүн БНХАУ-ын хилийн зурваст явж байхыг харсан..Манайхан хил зөрчигчийг алдсан. 9-р дүгээр сарын 11-ний өдөр БНХАУ-ын талаас хилийн уулзалтаар манай талд өгөхөд хил зөрчигч нь БНСВУлсын иргэн эрэгтэй хүн байсныг мэдсэн. Хилийн 8...-р тэмдэгт нь Монгол Улсын хил мөн бөгөөд энэ тэмдэгийг давсан тохиолдолд улсын хил нэвтэрсэн гэж үзнэ. 8..-р тэмдэгийг давж гарахад БНХАУ-ын хилийн зурваст ордог” гэжээ. Харин өрөнд ороод зээлдэгч нараасаа зугтаасан Хо Пуок Ван “... Би бусдад их хэмжээний өртэй болсон тул аргагүй хил зөрчсөн” гэжээ.
