Америкийн куба цагаачид Кастрогийн үхлийг баярлан тэмдэглэж байна /бичлэг/
Кубын удирдагч Фидель Кастро нас барсан мэдээ тармагц Америкийн Флорида мужид амьдардаг Кубын цагаач иргэд олноороо гудамжинд гарч баяр хөөр болж байна. Майамигийн гудамжинд баярлаж хөөрсөн цагаачид тэдний үр хүүхдүүд одоо ч уйлж дуулж бүжиглэн баярлан цэнгэж байна. Гудамж талбай баярлаж хөөрсөн хүмүүсээр дүүрч машины сигнаалдах дуун тасрахгүй байгаа тухай цахимд мэдээлжээ. Кубын далбаа барьсан хүмүүс “Кастро үхлээ Кубад эрх чөлөө ирлээ” хэмээн хашгиралдаж байна.
Ялангуяа куба цагаачид олноороо амьдардаг “Бяцхан Хавана” гэдэг дүүрэгт хамгийн их хөл шуугиантай байгаа аж. Фидэль Кастро засгийн эрхэнд гарсан 1960 оноос хойш шинэ төрийг хүлээн зөвшөөрөөгүй болон хавчлага мөрдлөгөд өртсөн кубачууд олноороо Америкд цагаачилан ирсэн.
Кубатай хамгийн ойрхон орших Флорида муж тэдний хоёрдахь эх орон болсон. Өдгөө тус мужийн латин хүн амын тал хувийг куба цагаачид бүрдүүлдэг. Кубаас ирэх цагаачдын давалгаа одоо ч үргэлжилсээр байна. Өнгөрсөн онд л гэхэд 43 мянган куба цагаачдыг хүлээн авчээ.
НУУЦ.мн
