Зэвсэглэсэн дээрэмчдийг чихрээр шидэж хөөсөн худалдагч цахимын од болжээ /бичлэг/
Нийтэлсэн: 2016-11-26 11:50:39
Maitland Mercury-д бичсэнээр Австралийн Абердейл хотын захын дүүргийн нэгэн шатахуун түгээвэрийн дэргэдэх бяцхан дэлгүүрийн худалдагч модон цохиураар зэвсэглэсэн дээрэмчдийг чихрээр шидэж хөөж чаджээ. Энэ явдал өглөөний 6 цагийн орчим болжээ. Бичлэгт улаан цамцтай худалдагч ирж зогссон машиныг анхааралтай ажиглаж байгаа нь гарч байна.
Машинаас хар хувцастай багтай, мод барьсан хоёр хүн бууж ирэнгүүт хэн болохыг нь дор нь ойлгосон худалдагч гарт өртсөн хамгийн ойрын зэвсгээрээ ширүүн эсэргүүцсэн байна. Тэр нь дэлгүүрийн лангуун дээр байсан хайрцагтай чихэр аж.
Худалдагч хайрцагтай чихрийг мэргэн шидсэнд ийм хүчтэй эсэргүүцэлтэй тулгарна чинээ санаагүй дээрэмчид цочирдож ухаржээ.
Улмаар чихрэн мөндөр ширүүхэд машиндаа суун зугтжээ. Дээрэмчдийг зугтсаны дараа худалдагч цагдаа дуудахаар арын өрөө рүүгээ орж байна. Сүүлд нь тогтоосноор дээрэмчид гурвуулаа байжээ. Тэд машинаа хотын өөр дүүрэгт хаяад зугтаж амжсан гэнэ.
NUUTS.mn
