Беларусь эр машиныг нь сараачигчийг олох гэж бүтэн сар машиндаа хоножээ
Нийтэлсэн: 2016-11-26 01:32:22
Минск хотын нэгэн иргэний орцныхоо өмнө тавьсан машиныг нь хоёр сарын дотор 20 удаа сараачиж зураас гаргажээ. Азгүй эрийн баталснаар машинаа буруу байрлуулаагүй мөн замын хөдөлгөөний дүрэм зөрчдөггүй гэм хоргүй нэгэн гэнэ. Цагдаад хандсан ч нэмэр болсонгүй. Сүүлдээ машиныхаа шилэнд ийм зурвас хүртэл наажээ.
-Машин байнга саараачиж зураас гаргадаг өөдгүй амьтанд..Миний чухам юу нь чиний дургүйг хүргээд байгааг хэлээд өг. Би явган хүний замаар явдаггүй, зүлгэн дээр машинаа тавиагүй. Ярих зориг хүрэхгүй бол энэ хаяг руу майл бич-
Гэсэн ч сараачсаар байжээ. Арга бараад өөрөө барихаар шийдэн машиндаа аяны хөнжилд бүтэн сар хонож жижүүрлэжээ. Эцэст нь заналт дайснаа барьж чадсан агаад хөрш байрных нь настай эмэгтэй байсан гэнэ. Тэрээр бусдын машиынг сараачиж зураас гаргадаг шалтгаанаа цагдаад тайлбарлаж чадаагүй аж.
NUUTS.mn
