Нууц мэдээллийн уурхай

Шадар сайд У.Хүрэлсүхийн тэргүүлдэг Улсын Онцгой комиссын хурал дээр ЭМ-ийн сайд А.Цогцэцэг ганц хоёрхон эмнэлгийн машин шийдэж чаддаггүй хэмээн БХ-ийн сайдад баалуулж У.Хүрэлсүхдээ загнуулж байгаа бичлэгийг та үзэж байна. Миегийн талын хүмүүс руу намынхан нь дайрах болсон нь ганц энэ биш л дээ. Зөндөө юм байгаа. Намын дарга нь “атгаад” , хотын гэх фракци нь “азаргалаад” эхэлснээс хойш дургүйцлээ ингэж илэрхийлдэг болсон. Өөрөөр хэлбэл дээр байгаа хүнд өөрт нь бус харин түүний хүмүүсд уур омгоо гаргах маягаар...Энэ тал дээр үзэмжгүй зохимжгүй хувцасладагаараа алдартай Ардын намын гишүүн эмэгтэйчүүд тэргүүлдэг.

Тэдний бай нь адилхан эмэгтэй гэдгээрээ А.Цогцэцэг болсон гэх.  Сүүлийн үед эмэгтэй гишүүдийн намынхаа ганц эмэгтэй сайдад гаргаж байгаа хандлага, харилцаж байгаа харилцааг арай л дээрэлхүү юм гэцгээх болсон. Уг нь хүнд том салбар удирдаж байгаа эмэгтэй сайдаа дэмжээд туслаад явах учиртай намын дарга нард нь урхагшсан “ялгаварлан гадуурах” үзэлд нь тас гомдсон тул хөдөлдөггүй. Эмэгтэй хүн гомдлоо барагтай мартдаггүй. Сонгуулийн өмнөхөн намын даргын “фаворит“ хүүхэн нь П.Анужин байсан. Дарга түүнийг хурал уулзалт бүрд шахуу магтаж “манай Анужин хаана ч нэр дэшсэн гарна, маш их ажиллаж байгаа, гэтэл та нар юу хийж байна, чи ч бас чи одоо мартагдлаа зэвэрлээ ч дээ” гэх зэргээр нэр дэвшигч хүүхнүүдээ загнадаг байсан. Оюунчимэг зэрэг нь сонгогчидод мартагдахгүйн тул “Үнэ цэнэ” гэдэг нэвтрүүлэг хийсэн ч өдөр бүр зурагтаа гардаг Анужингийн хаана ч хүрэхгүй мэт байсан. Гэтэл сонгуулиар намын даргын “фаворит” навс унаж харин мартагдсан зэвэрсэн гэх эмэгтэйчүүд цойлоод гараад ирсэн. Энэ мэт гомдлоо эмэгтэй гишүүд даргадаа хэлж зүрхлэхгүй байх. Гэхдээ л даргын гэх сайдад хямсагнаж хялалзаж дээрэлхэж бөөрөлхөж хариугаа авахаа мэдэхтэйгээ яваа. 

НУУЦ.мн