Нууц мэдээллийн уурхай

Зургаан жил орчим үргэлжилсэн энэ үйлдлийг Эрүүгийн цагдаагийн газрын Кибер гэмт хэрэгтэй тэмцэх хэлтсийн алба хаагчид багагүй хугацаанд судалсны дүнд илрүүлжээ. Уг хэргийг Баянгол дүүргийн гуравдугаар хороонд оршин суух хаягтай 26 настай эмэгтэй Г гэгч нь 2010 оноос эхлэн үйлдэж байсныг тогтоосон байна. Сэжигтэн Г нь “Өндөр цалинтай ажилд авна” гэсэн зарын дагуу ажилд орохоор ирсэн зүс царай, бие хаа сайтай залуу охидыг шалгаруулан авч, АНУ-д байрлах насанд хүрэгчдэд зориулсан цахим хуудаст өөрийн үүсгэсэн студиэр дамжуулан охид тус бүрт нууц нэр өгөн бүртгэн авч, цахим орчинд вэб камер ашиглан садар самуун сурталчилсан гаж үйлдэл хийлгэн, төлбөртэйгөөр цацаж ашиг орлого олдог байжээ. Тэрбээр гэмт үйлдлээ халхавчлах үүднээс нэг жилээс илүүгүй хугацаагаар байр түрээслэн охид бүсгүйчүүдийг ажиллуулах студиэ байгуулдаг нь тогтоогдсон байна. Тэнд ажиллаж буй охидыг хоорондоо танилцах, дотносохыг хатуу хориглоод зогсохгүй, хиймэл үс өмсүүлэх зэргээр зүс царайг нь нийтэд танигдахгүй болгох зэргээр гэмт үйлдлээ ихээхэн нууцалжээ. Тэдгээр охид өдрийн турш харанхуй, цоожтой өрөөнд дэлгэцийн цаанаас гадаад эрийн элдэв гаж хүсэлтийг биелүүлэн ажилладаг байсан гэнэ.

NUUTS.mn