Зочид буудалд хүүхэд “хийсэн” хосуудад буудлын төлбөрийг нь буцаан олгоно
Independent-д мэдээлснээр төрөлт огцом буурсан Италийн Ассизи хотын зочид буудлууд нэгдэн хүн амаа өсгөхөд “хувь нэмрээ” оруулахаар болсон нь шуугиан тариад байна. Тэдний гаргасан «Fertility Room» хөтөлбөрийн хүрээнд зочид буудлуудад хүүхэд “хийсэн” хосууд болон гэр бүлд өрөөний болон бусад төлбөрийг нь 100 хувь буцаан олгохоор болжээ. Одоогоор энэ хөтөлбөрд хотын 10 зочид буудал нэгджээ. Эдгээр зочид буудлуудад үүлэн борооны ажил хийж улмаар хүүхэд гаргасан гэр бүл, хосууд шинэ хүнийг төрснийх нь дараа төрсний гэрчилгээ болон зочид буудалд хоноглосон тооцооны хуудсаа үзүүлэн мөнгөө буцааж авах гэнэ. 1960 оноос хойш Италид төрөлт эрс буурчээ. Өнгөрсөн жил 488 мянган хүүхэд мэндэлсэн нь нь 1861 оноос хойшхи хамгийн бага үзүүлэлт гэнэ.
NUUTS.mn
