Ц.Цогтбаяр: Төрийн ордны өмнө би өөрийгөө шатаана...Д.Дагвадорж, Д.Сумъяабазар, А.Сүхбат аа.../бичлэг/
Нийтэлсэн: 2016-11-19 00:37:38
Монголын чөлөөт бөхийн холбооны их хурал энэ сарын 19 -ний өдөр Төрийн ордонд зохион байгуулагдахаар болсон. Гэтэл удирдлагын хариуцлагын асуудал ярих хуралд эрэгтэй багийн тамирчин, дасгалжуулагч нарыг оролцуулахгүй байх шийдвэрийг УИХ-ын гишүүн, Монголын чөлөөт бөхийн холбооны тэргүүн дэд ерөнхийлөгч Д.Сумъяабазар гаргажээ. Чөлөөт бөхийн эрэгтэй баг Лондонгоос Риогийн олимпийн цикльд О.Пүрэвбаатар, Л.Энхбаяр, Б.Баяраа, Ц.Цогтбаяр нар дасгалжуулсан байдаг. Энэ хугацаанд ДАШТ-ээс хоёр мөнгө, дөрвөн хүрэл, Азийн АШТ-ээс хоёр алт, зургаан мөнгө, 15 хүрэл медаль авчээ. Мөн Олон улс, тив, дэлхийн аваргаас нийт 46 алт, 49 мөнгө, 120 хүрэл медаль хүртлээ. Риогийн олимпоос Г.Мандахнаранг хүрэл медаль хүртэж, эрэгтэй чөлөөтийн 36 жил тасарсан медалийн буухиаг үргэлжлүүлсэн гэж бодож явдаг ч багш нарын эрхийг 3 жил хасч Монголчуудын буруу гэж дэлхий даяар зарласныг тэд эсэргүүцэж байна. Эдийн засгийн хүндрэлийн үед Д.Сумъяабазар, А.Сүхбат нар гишүүнийхээ үндсэн ажлыг л хийх хэрэгтэй. УИХ-ын гишүүд спортын хороодыг үймүүлдэг бужигнуулдаг явдал хэзээ зогсох вэ...
НУУЦ.мн
