Тосгоны намын хорооны даргыг хөнөөсөн хятад тариачинг цаазалжээ
Нийтэлсэн: 2016-11-17 01:22:24
The Guardian сонин Xinhua агентлагийн эх сурвалжийг үндэслэн тосгоныхоо намын хорооны даргыг хөнөөсөн 29 настай хятад тариачин Цзя Цзинлуныг энэ сарын 15 цаазалсан тухай мэдээлжээ. Дээд хэмжээ авсан тариачин намын даргыг байшинг нь нурааж гэр бүл, хувийн амьдрлыг нь бусниулан сүйтгэсэн гэж мэдүүлсэн гэнэ. 2015 оны 2-р сард Хэбэй мужийн нэгэн том тосгонд амьдардаг тэрээр гэрлэхээр болж хуримандаа бэлдэж байжээ. Гэтэл тосгоны намын хорооны дарга 55 настай Хэ Цзяньхуа нь төлөвлөлтийн дагуу газарт орсон гэх үндэслэлээр тариачин залууг байшингаа нурааж газраа чөлөөлж өгөхийг шаардсан байна. Хэзээ мөдгүй гэрлэх гэж байсан тул эрс татгалзсанд намын хорооны ажилтнууд гэр бүлээр нь зодож хориод тэр хооронд байшинг нь нураажээ. Орох оронгүй болсон түүнтэй сүйт бүсгүй нь гэрлэхээр татгалзаж хурим цуцлагджээ. Ийнхүү хоромхон байшингүй, газаргүй болж хайртай бүсгүйтэйгээ ч гэрлэж чадахгүй болсон тэрээр хорсохдоо намын хорооны даргыг отож байгаад хүрзээр цохиж алсан гэнэ. Харин аллага үйлдсэн тариачинд үхлийн тариа тарьж цаазалсан гэж The Guardian мэдээлжээ.
