Орос усан цэргүүд селфи хийгээд атомын хөлгийнхөө байрлалыг илрүүлжээ
Нийтэлсэн: 2016-11-14 13:27:24
Сирийн байлдааны ажиллагаанд Башар Асадын хүчинд дэмжлэг үзүүлэхээр Оросын атомын крейсер «Петр Великий» Газрын дундад тэнгисд ирсэн. Хөлгийн чиглэл байрлалыг америкчууд анхааралтай ажиглаж байгаа ч хэсэгтээ хараанаасаа алдсан гэнэ.
Гэтэл “азаар” тус хөлгийн хоёр усан цэрэг селфи хийгээд зургаа твиттерд оруулжээ.
Уг зургийг хамгийн түрүүнд олж харсан The Washington Free Beacon сониныхон тэр дор нь солбицолыг нь хайгаад «Петр Великий» -гийн байрлалыг нарийвчлалтайгаар тогтоосон мэдээллийг цацжээ. Өдгөө уг хөлөг Крит арлаас зүүн чигт яваа аж.
Болсон явдал Оросын армийн жанжин штабд том асуудал дэгдээгээд байна. 2004 оноос цэргийн анги байрлалд зураг авах селфи хийхийг хатуу хориглосон журам үйлчилж байгаа ч «Петр Великий»-гийн хоёр усан цэрэг мөрдсөнгүй.
