Зөнч амьтад, робот Америкийн ерөнхийлөгчийн сонгуульд хэн ялахыг мэргэлсэн нь.../бичлэг/
Шотландын нэрт зөнч Бутс гэдэг ямаа ерөнхийлөгчийн сонгуульд Хилари Клинтон ялна гэжээ. Өмнө нь энэ ямаа Англи Европын холбооноос гарах эсэх санал асуулгын дүнг тааж алдаршсан гэнэ.
Америкийн хүүхдийн Nickelodeon суваг ерөнхийлөгчийн сонгуулийн өмнө бүрд хүүхдүүдийн дунд «Kids Pick the President» санал асуулга явуулдаг. 1988 оны сонгуулиас хойш явагдаж байгаа энэ санал асуулгын дүн зөвхөн 2004 онд л нэг удаа алдсан гэнэ. Энэ удаад хүүхдүүдийн 53 хувь нь Хилари Клинтоны төлөө өгчээ.
Флоридагийн их сургуулийн оюутнууд аврага загасны уралдаанаар ялагчийг таах гэжээ. Трамп Хилари гэсэн нэр авсан хоёр аварга загасанд тусгай төхөөрөмж суулган усан санд тавьж тодорхой хугацаанд хичнээн км зай туулахыг нь шалгажээ. Энэ мэргээр өрсөлдөгчөөсөө 150 миль хол сэлсэн Трамп ялжээ.
Арканкас мужийн Scott Pumpkin Patch фермэд гахайн тоорой уралдуулж ялагчийг мэргэлжээ. Хилари Трамп гэсэн хоёр тоорой уралдахад бүгд найрамдах намын хурд түрүүлсэн байна.
Харин Хятадад зөнч сармагчин Гейда Трампыг ялна гээд бүр үнссэн байна.
Оросд зөнч-роботоос Америкийн сонгуульд хэн ялахыг асуухад “Путин” гэжээ.
NUUTS.mn
