Н.Алтанхуягийн гэргий Ё.Отгонбаярын эхнэр шиг “дансны” хэрэгт асуугджээ
Нийтэлсэн: 2016-11-08 01:23:25
.jpg)
Өчигдрийн гол шуугианы нэг нь Ерөнхий сайд асан Н.Алтанхуягийн үзэсгэлэнт гэргийг нисэх буудалд хилээр нэвтрүүлээгүй явдал байсан. Нэрт улстөрчийн эхнэрийг олон хүн таньж мэдэхийн хувьд энэ явдал нь олны нүдний өмнө болсон нь ичгүүр төрүүлэх биз. Ямар хүмүүсийн хил нэвтрэх эрхийг хасдагийг бүгд мэднэ. Харин өнөөдрийн шуугианд ахиад л экс ЕС-ын эхнэр Э.Сэлэнгийн нэр сонсогдож байна. Түүнийг дансанд нь их хэмжээний мөнгө орж ирсэн гэх үндэслэлээр хил гаргаагүй тухай мэдээлэл цацагджээ. Энэ асуудлыг нь шалгах үүднээс саатуулсан болж байна. Улстөрчдийн эхнэрээ ийнхүү “золиослодог” үйлдэлд олон нийт таагүй ханддаг. Цүнх барьдаг өчнөөн залуус нь байхад заавал эхнэрийнхээ дансыг ашиглах гээд эцэст нь хориулж байсан тохиолдол ч гарсан. Дэд сайд Ё.Отгонбаярын эхнэрт ийм явдалд тохиолдож байсан. Тухайн үед ашиглагдаж байсан дансны тоо, орж гарсан мөнгөний хэмжээ нь санаанд оромгүй их байсан билээ.
