Талбай дээр шүүгчээ нам цохиж хөнөөгөөд зугтжээ
Нийтэлсэн: 2016-11-07 23:58:35
Мексикт сонирхогчдын хөлбөмбөгийн тэмцээний үер улаан хуудсаар торгуульсан тоглогч шүүгчээ нам цохиж хөнөөгөөд өөрөө зугтаасан хэрэг гарчээ. Тулансинго гэдэг хотод энэхүү аймшигт явдал болсон тоглолт сонирхогчдын хоёр багийн хооронд болжээ. Тоглолтын 2-р үеийн эхээр шүүгч Виктор Трехо нь Рубен Ривера Васкес гэдэг тоглогчид улаан өгч талбайгаас хөөсөн байна. Харин уурссан тооглогч талбайгаас гарахын оронд шүүгчийн толгой руу хамаг хүчээрээ цохижээ. Цохилт маш хүчтэй байсан тул шүүгч ухаан алдан унажээ. Түргэн тусламж ирсэн ч шүүгчийг аварч чадсангүй. Тэрээр ухаан оролгүй байсаар талбай дээрээ өнгөрчээ. Харин шүүгчээ хөнөөсөн тоглогч тэр дороо зугтан зайлсан бөгөөд цагдаа эрэн сурвалжилж байгаа гэнэ.
NUUTS.mn
