Иргэд100-450 төгрөгөөр авсан машины хуучин дугуйг түлж байна
Нийтэлсэн: 2016-11-07 01:50:30
.jpg)
Жил ирэх тусам нүүрс модны үнэ өсч, савлагаа шуудай улам жижгэрч байгаад иргэд халаглаж сууна. Амьжиргааны төвшин доогуур иргэд болон дугуй засварын жижиг цэгүүд өөрсдөө дугуйны хаймрыг жижиглэн түлдэг байна. Түлээ, нүүрс зардаг иргэн Н.Лхагваа хэлэхдээ “Дугуй зардаг хүмүүс байдаг л юм. Ихэнхдээ дугуй засваруудаас очиж авдаг юм байна лээ. Өнөөдрийн хувьд цас их орсон учраас түлээ нүүрсний борлуулалт гайгүй сайн байна. Ихэнх иргэд машинаар нь авахаас илүү дандаа цөөн тооны шуудайгаар нь авдаг. Зарим хүмүүс буулгаад зарчих гээд л гуйдаг. Өгчихмөөр ч үе байдаг өрөвдөөд байдаг юм. Хөгшин настай болон шуудай нүүрсээ ч даахааргүй бага насны хүүхдүүд ирээд л гуйдаг юм. Гэхдээ бас тэр болгон буулгаад өгөөд байхаар бас хэцүү. Бид өөрсдөө хэдхэн зуун төгрөг харж хүйтэнд өдөржин зогсож байгаа шүү дээ. Энэ жил гэхдээ үнэ нэмэгдээд, “хаданд гарсан” юм байхгүй байна. Ес эхлэхээр бас огцом нэмдэг тал байдаг” гэлээ.
