Нууц мэдээллийн уурхай

Манай төрийн аль байгууллагад дарга удирдага хурган дарга нарын дарангуйлал хэрээс хэтэрч жирийн ажилтнуудаа дээрэлхэх дарамтлах нь хэвийн үзэгдэл болжээ. Сүүлдээ цалингаас нь суутгал хийгээд өөрсдийнхөө цалин дээр нэмдэг болсон байна. үүнийг хэлж шүүмжилсэн ажилтныг “удирдлагаас өгсөн үүрэг даалгавар биелүүлээгүй, ёс зүйгүй авирласан” хэмээн ажлаас халсан хэрэг Үндэсний номын санд гарчээ. Болсон явдлыг өгүүлэхэд тус байгууллагад ажиллаж байсан нягтлан бодогч В.Б-г дээрх маягаар халжээ. Тэрээр  2016 оны 3-р сарын 4-ний өдрийн Захиргааны зөвлөлийн хурлын гишүүдэд байгууллагын санхүүгийн олон зөрчил гарч байгаа талаар баримттай танилцуулсан байна. Үүнд ахлах нягтлан бодогч Ц.Г нь Төрийн банк руу цалингийн цэсийг и-мэйлээр явуулахдаа найман хүний нэр дээр 460 мянган төгрөгний  суутгал хийгээд хүний нөөцийн ажилтан З.Э-ын цалин дээр нэмж гаргуулсан. Мөн 2016 оны 2-р  сарын 24-ний өдрийн цалин дээр 10 хүний хүний нэр дээр 4.3 саяын цалин бичиж и-мэйлээр явуулахдаа ажилчдын цалингаас суутгаж Г.Г-ын цалин дээр нэмж олгосныг шүүмжилсэнийг тухайн үеийн удирдлага болох А.Нансалмаа тэргүүтнүүд нь ихэд эгдүүцэн хүлээж авчээ. Харин ч эсрэгээрээ ю болж удирдлагаас өгсөн үүрэг даалгавар биелүүлээгүй, ёс зүйгүй авирласан нэрийдлээр ажлаас халсан гэнэ. Тус байгууллагад 2016 оны 1, 2-р  сард ажилчдын цалинг ч зөрүүтэй бодож гаргасанаас хугацаандаа цалин олгоогүй үйл явдал болж байжээ.