Оросын иргэн болсон Стивен Сигалыг дэлхий даяараа шоолж байна
Нийтэлсэн: 2016-11-04 00:32:45
“Монгол тулгатны 100 эрхэм”-д орж өөрийгөө монгол гаралтай хэмээн зарлаж байсан Холливудын өвөө нарын нэг Стивэн Сигал энэ сарын 3-нд гаргасан Путины зарлигаар Оросын иргэн болжээ.
Ийнхүү тэрээр албан ёсоор Америк, Серби гэсэн хоёр улсаас гадна ахин нэг улсын иргэн болж гурван ч харьяалалтай болж байна. Харин албан бусаар угсаа гарлаа зарлах замаар монгол, беларусь, кавказ, түрэг зэрэг үндэстэнд хамаару байгаа. Оросын ЕТГ-ын хэвлэлийн албаны мэдээлснээр Сигал харьяат болох гэж уйгагүй хүсэлт тавьсан гэнэ.
-Тэрээр манай улсын иргэншил авах гэж олон жилийн турш шаргуу уйгагүй хүсэлт тавьж байсан нь түүний Оросд чин сэтгэлээсээ хайртай элгэмсэг ханддагийн баталгаа гэж үзсэн-
Гэсэн ч олон нийт нь алдарт жүжигчнийг иргэнээ болгож авсан дарга нарынхаа баяр хөөрийг хуваалцахгүй харин ч шоолж байна.
-Хөөрхий Сигалд одооноос эхлээд ДЯЯ-д ХОМ-оо жил бүр мэдүүлж байх үүрэгтэй болсоныг нь хэлээгүй байх даа-
-Одоо Сигалыг уурын хөдөлгүүрт нисэх онгоц тээгч “Адмирал Куцнецов”-ын ахмадаар тавих хэрэгтэй-
-Залуу ирээдүйтэй эрдэмтэд нь явж байхад хөгшин харимал жүжигчин тамирчид ирж байна. Мэргэн хаан ийм бодлого явуулдаггүй-
-Өнгөрсөн жилүүдэд нэрт эрдэмтэн Мальтон, Шехтман, Гайдар нар Оросоос явсан. Харин карьер нь дууссан Жерар Депарьде, Стивен Сигал нар ирлээ. Би л хувьдаа ийм солилцооны эсрэг байна-
NUUTS.mn
