Ардчилсан намын жирийн гишүүдийг дуу хоолойгоо илэрхийлэхийг уриалж байна
Монгол Улсад ардчилсан хөдөлгөөн өрнөж, нэг намын тогтолцоог халсан түүхэн цаг үеэс хойшхи хугацаанд нийгмийг өөрчлөх үйл явцыг Ардчилсан нам түүчээлж ирсэн билээ. Гэвч намын удирдлагад ажиллаж байсан зарим хүмүүсийн буруу үйл ажиллагаа, алдаатай бодлого болон фракцуудын зөрчил, тэмцлийн уршгаар Ардчилсан нам нэр хүндээ алдаж сонгогчдын итгэл, дэмжлэгийг хүлээж чадахгүй болсныг 2016 оны УИХ-ын болон орон нутгийн сонгуулийн дүн харууллаа. Тиймээс Ардчилсан намд зайлшгүй шинэчлэл хийхийг нийгэм шаардаж байна. Намын шинэчлэлд жирийн гишүүд бид гар бие оролцож дуу хоолой, санал бодлоо илэрхийлэх зорилгоор Хөвсгөл аймгийн Ардчилсан намын гишүүдээс гаргасан “Ардчилсан намаа ардчилсан замаар шинэчилье” уриалгыг дэмжиж, хамтарч ажиллахаа үүгээр илэрхийлж байна.
